Казакстанда коронавирус илдетинен экинчи бейтап көз жумду

«Тилекке каршы, 50 жаштагы дагы бир жаран вирус илдетинен каза тапты. Ал көптөн бери ооруп, бирок дарыгерлерге кайрылган эмес. Жумушуна байланыштуу иш сапарларга бат- баттан чыккан. Аны менен байланышта болгон 31 адам оорукана жаткырылды. Маркумдун үй-бүлөсүндөгү эки адамдан да вирус чыкты» -деп билдирди жергиликтүү массалык маалымат каражаттарга Шаардык коомдук саламаттык сактоо башкармалыгынын жетекчиси Сауле Кисикова.  

Каза болгон жаран Казакстандын борбору Нур-Султан шаарындагы ооруканада дарыланып жаткан. Ал 21- мартта «Тез жардам» менен ооруканага келип түшкөн.