Бүгүнтөн тарта Кыргызстанда ички авиа каттамдар токтойт

Кыргызстандыктар бүгүнтөн баштап бири-бирине авиа каттамдар аркылуу каттай алышпайт. Тагыраак айтканда
25-марттан баштап бардык ички авиа каттамдар убактылуу токтотулат. КР Биринчи вице-премьер-министри Кубатбек Бороновдун айтымында өлкө ичинде Республикалык штабдын макулдугу менен атайын авиа каттамдар гана уча алышат.

Мындай чечим  коркунучтуу вирустун жайылышына бөгөт коюу үчүн президенттин жарлыгына ылайык  кабыл алынууда. Кыргызстанда  ички каттамдар Бишкектен Ош, Баткен жана Жалал-Абад шаарларына жана кайра аталган шаарлардан жүргүзүлчү.