Пара талап кылган «Бишкекгаздын» кызматкери кармалды

 
«Бишкекгаздын» кызматкери пара алууга шектелип кармалды. Бул тууралуу Финполдон билдиришти.
 
Алдын ала маалыматтар боюнча, Бишкек шаарынын тургуну Мамлекеттик экономикалык кылмыштарга каршы күрөшүү кызматынын шаардык башкармалыгына кайрылган. Ал колдонулган жаратылыш газы үчүн эсептегичтердин көрсөткүчтөрүн кайра иштетүү үчүн андан 40 миң сом талап кылган «Бишкекгаздын» «А» жана «К» аттуу кызматкерлерине чара көрүүнү суранган.
 
Финполдун кызматкерлери тарабынан шектүүнүн бири «К» кармалып, аны жанынан 40 миң сом табылган. 
 
Учурда тергөө иштери жүрүүдө.