ИИМдин кызматкери пара алып жаткан жеринен кармалды

 Экономикалык кылмыштарга каршы күрөшүү боюнча мамлекеттик кызматынын кызматкерлери Ички иштер министрлигинин кызматкерин пара алып жаткан жеринен кармашты. Бул тууралуу Финполдон билдирдишти.
 
Каржы министрлигине Т.Б аттуу жарандан Ички иштер министрлигинин кызматкери 3 миң доллар пара талап кылган факты боюнча арыз келип түшкөн. 21-декабрда 100 миң сом пара алып жаткан учурда, Чүй облусунун Сокулук районунун ИИБнин Манас АОМунун улук оперативдик кызматкери Р.Б.  кармалган. Ал Бишкек шаардык ички иштер башкармалыгынын убактылуу кармоочу жайына киргизилген.
 
Учурда тергөө иштери жүрүп жатат.