Коронавируска карата Кыргызстан чек арасын жапты…

Вице-премьер-министри Алтынай Өмүрбекова бүгүн 17-марттагы маалыматтык брифингде Кыргызстан чет элдиктердин баарына өзүнүн чек арасын жапканын маалымдады.
 
Бул туурасында: “Бүгүн коронавирус инфекциясын өлкөнүн аймагына кирүүсүнүн алдын алуу боюнча республикалык штабда бардык чет өлкөлүктөр үчүн Кыргызстандын чек арасын жабууну чечтик. Кыргызстандагы чет өлкөлүктөр чыгып кете алышат, бирок бир да чет өлкөлүк кире албайт. Бир гана Кыргызстан үчүн жүк ташып келе жаткан жүк ташуучу машиналардын айдоочулары гана текшерүүдөн өтүп кире алышат”, - деп билдирди.