Жаштар да добуш сатууга каршы. Беловодскийде жаштар "Добушуңду сатпа" аттуу иллюстрациялык сүрөттөрдү жаратышты

Чүйдүн Москва районундагы Беловодск айыл аймагынын жаштары кайдыгерликке каршы демилге көтөрүшүп, иллюстрациялык сүрөттөрдү тартышты. Бул тууралуу аймактык кабарчыга жаштар демилгечил тобунун лидери Айдай Аскарова билдирди. 

Анын айтымында, 2019-жылы өлкөдө «Жаш аракет» долбоору түзүлүп, ага Беловодск айыл аймагынан 8 улан-кыздар мүчө болгон. Алар коомдогу терс көрүнүштөргө кайдыгер мамиле кылып, четте карап туруп албай, "добушуңду сатпа" деген сүрөттөрдү жаратып, элдин аң-сезимине таасир этүүнү туура көрүшкөн.