Аялын канжалата сабаган жаран үй камагына чыкты

Бишкектеги "Алмалуу" кафесинде аялын элдин ай-буй дегенине карабай ажатканага камап алып канжалата сабаган күйөө үй камагына чыгарылды. Бул тууралуу  Свердлов РИИБинин басма сөз кызматынан билдиришти.

Маалыматка ылайык, шектүү үй камагына эч жакка чыкпоо боюнча тил катынын негизинде чыккан. Учурда тергөө иштери жүрүүдө.
11-сентябрь күнү түн ортосуна жакын Курманжан датка жана Муса Жалил көчөлөрүнүн кесилишиндеги кафеде мушташ болгон. Милиция кызматкерлери окуя болгон жерге келгенде канжалаган аялды көрүшкөн. Ал күйөөсү тарабынан сабалганын айткан.