Россияга барууну каалаган кыргызстандыктар коронавируска  3 күн мурда тест тапшырышы керек. Тесттин терс жыйынтык көрсөткөнү тууралуу маалым катын көрсөтмөйүнчө Россиянын аймагына киргизилбейт.  Бул тууралуу КРдин РФтеги элчилиги кабарлады.

«Азырынча рейс жумасына эки ирет „Аэрофлот“ жана „Авиа Траффик“ компаниялары аркылуу аткарылып турмакчы», — деп жазылат кабарда.

Эскерте кетели, эки өлкөнүн ортосундагы туруктуу авиакаттам 21-сентябрдан тарта жанданды.