Экинчи жолу санитардык эрежелерди бузган тойканаларга кылмыш иши козголот

Бишкек шаарынын мэриясы экинчи жолу санитардык эрежелерди бузган тойканаларга кылмыш иши козголо турганын эскертти. Бул тууралуу мэриянын басма сөз кызматы билдирди.
 
Мекеменин маалыматына ылайык, шаардык мэрия мындай чечимди шаардагы эпидемиологиялык абалдын курчуп кетишинин алдын алуу үчүн кабыл алып, коомдук тамактануучу жай, кафе-ресторан жана тойканаларга көзөмөлдү күчөтүү тууралуу буйрук чыгарды. Тойкана, кафе-ресторан, коомдук тамактануучу жайлардын экинчи жолу эреже бузганы аныкталса, Жазык кодексинин 280-беренеси (Санитардык-эпидемиологиялык эрежелерди бузуу) менен сотко чейинки өндүрүшкө алынат.