Кечээ майрамдан соң "Ала-Тоо" аянтынан эки тонна таштанды чыгарылды

Кечээ, 31-август Эгемендүүлүк майрамынан кийин Бишкектеги "Ала-Тоо" аянтынан эки тонна таштанды чыгарылды. Бул тууралуу Бишкек шаардык мэриясынын басма сөз кызматынан маалымдашты.

Быйыл коронавирус инфекциясынан улам массалык иш-чаралар өткөрүлгөн жок. Ошого карабастан, шаар тургундары майрамдык салют көргөнү келишти.

"Тазалык" муниципалдык ишканасынын кызматкерлери таң аткандан түнгө чейин иштеп, жыйынтыгында "Ала-Тоо" борбордук аянтынан эки тонна таштанды чыгарышты. Таштанды чыгарууга "Тазалыктын" 24 кызматкери жана үч бирдик атайын техника тартылды", - деп жазылат маалыматта.