Аялын электр зымы менен сабаган шектүү камакка алынды

Аялын таң атканча электр чубалгасы менен сабаган деген шек менен Аксы районунун Кербен шаарынын 33 жаштагы келиндин күйөөсү камакка алынды.   Бул тууралуу Жалал-Абад ички иштер башкармалыгынан маалымдашты.
 
Мекеменин маалыматына ылайык, 26-августта Аксы райондук аймактык ооруканасынан райондук милицияга аялдын аёсуз сабалганы жөнүндө кабар түшкөн.
 
Милициянын тергөө ыкчам тобу тиешелүү чараларды көрүп, топтолгон фактылардын негизинде кылмыш иши ачылып, шектүү тергөө абагына киргизилген.