Боронов: "Сасык тумоого каршы эмдөөгө бардык шарттар түзүлүшү керек"

Республикалык штабдын жыйынында өкмөт башчы Кубатбек Боронов адистештирилген түзүмдөр калкты эмдөө үчүн бардык шарттарды түзүшү керектигин айтты. Бул тууралуу өкмөттүн басма сөз кызматынан билдиришти.

Кубатбек Боронов жарандардын аярлуу катмарларына мезгилдик сасык тумоого каршы өз убагында эмдөө жүргүзүүнүн маанилүүлүгүн белгиледи.

"Адистештирилген түзүмдөр калкты эмдөө үчүн бардык шарттарды түзүшү керек. Бул күз-кыш мезгилинен өтүү үчүн абдан маанилүү иш-чара", - деди премьер-министр.