Күзүндө сасык тумоого каршы эмдөө жүргүзүлөт

Күз айынын башында курч мүнөздөгү вирустук инфекцияларга каршы эмдөө жүргүзүлөт. Бул тууралуу өкмөт башчы Кубатбек Боронов 21-июлдагы брифинг учурунда кабарлады. 
 
Анын айтымында, сасык тумоого каршы эмдөө үчүн вакцинаны алууга чет мамлекеттерге буюртма берилди. Вакцинаны каалагандар ала алат. Ал эми калктын аярлуу катмарына, ден соолугу жагынан мүмкүнчүлүгү чектелген жарандарга, ооруга тез кабыла тургандардын тобуна киргендерге эмдөө мамлекеттин эсебинен бекер жүргүзүлөт.