Калый Молдобасанов атындагы Кыргыз улуттук консерваториянын жетекчиси кызматына талапкерлерди каттоо жана алардын документтерин кабыл алуу 2-июль саат 17:00гө чейин жүргүзүлөт. Бул тууралуу Билим берүү жана илим министрлиги маалымдады.
Маалыматка ылайык, консерваториянын жетекчиси кызматына талапкерлерди каттоо үчүн уюштуруу комитетине төмөнкү документтер тапшырылат:
• ЖОЖдун окуу жана түзүмдүк бөлүмдөрүнүн жетекчиликке талапкерди көрсөтүү жөнүндө чечими;
• талапкердин өзүнүн арызы (өзүн-өзү көрсөтүү тартибинде катталган талапкерлер үчүн);
• талапкердин фамилиясы, аты, туулган жылы, иштеген жери, ээлеген кызматы жана жашаган жери көрсөтүлгөн биографиялык маалыматтар;
• Кыргыз Республикасынын “Билим берүү жөнүндө» мыйзамынын 38-беренесине ылайык, мамлекеттик жогорку окуу жайлардын жетекчиси кызматына талапкерге коюлучу талапты ырастаган тиешелүү документтер.
Арыздар (ага тиркелген документтер) төмөндөгү дарек боюнча кабыл алынат: Бишкек шаары, Жантошев көч., 115, т. 57-02-25, 57-95-02,
conservatoria93@mail.ruЭске салсак, ушул күнгө чейин окуу жайды КР эл артисти, композитор, педагог Муратбек Бегалиев жетектеп келген.
