Республикалык инфекциялык ооруканасынын 24 кызматкери коронавирус жуктуруп алышканы

Республикалык жугуштуу оорулар ооруканасынын вирус жуктурган кызматкерлеринин саны 24кө чыкты. Бул тууралуу Саламаттыкты сактоо министрлигинин басма сөз кызматынан тастыкташты.

Маалыматка ылайык, алардын ичинен 5өө дарыгер, 11и медайым, 8и санитарка.

Буга чейин Республикалык клиникалык жугуштуу оорулар ооруканасында коронавирусту жуктурган медицина кызматкерлери бар экендиги кабарланып, оорукана убактылуу жабылгандыгы маалым болгон. 

Буга байланыштуу Саламаттыкты сактоо министрлиги Бишкек шаарындагы №6 шаардык клиникалык оорукананын, Улуттук фтизиатрия борборунун жана Кыргыз-Түрк ооруканасынын базасында COVID-19 диагнозу бар бейтаптарды кабыл алуу үчүн иштетип баштаганын кабарлаган.