Бала бакчада иштеген үч кызматкерден вирус табылды

Бала бакчада иштеген кызматкерлерди коронавирус илдетине текшерүү учурунда үч кызматкерден вирус табылган. Бул тууралуу саламаттыкты сактоо министринин орун басары Нурболот Үсөнбаев 7-июнда онлайн брифингде билдирди. 

 «5-июндан тартып бала бакчаларды ачууга уруксат берилген. Жеке менчигине карабай, бардык бала бакчалардын кызматкерлери коронавирус инфекциясына анализ тапшырууга милдеттендирилген, анализдердин жыйынтыгында 3 кызматкерден вирус табылды. Биз тиешелүү чараларды көрүп, аларды дарылоого жаткырдык. Анализ алуу дагы уланат, бала бакчада иштеген ар бир кызматкер анализ тапшырат»,-деди  Үсөнбаев. 
 
Эске салсак, буга чейин бала бакчаларда иштеген кызматкерлер коронавирус илдетине милдеттүү түрдө анализ тапшырууга милдеттендирилген эле.