Чек арадагы чырда орок сайылган жана таш тийген 2 кыргызстандыктын абалы оор

Кыргыз-өзбек чек арасындагы араздашууда жаракат алган эки кыргызстандык Айдаркен шаардык ооруканасынын реанимация бөлүмүндө жатат. Алардын биринин башына таш тийгендиктен операция жасалган. Дагы бирине орок сайылган.

Бул тууралуу оорукананын башкы дарыгери Эмил Сулайманов билдирди. Анын айтымында, чек ара чырында жабыркаган дагы эки киши хирургия бөлүмүндө. Алар да таштан жаракат алышкан.

Эскерте кетели, кыргызстандыктар менен Өзбекстандын Сох районунун Чашма айылынын ортосунда булак талашуудан улам эки тарап кармаша кетишкен.