Индиядан Бишкекке Кыргызстандын 22 жараны келди

«Air India» авиакомпаниясынын Дели-Бишкек-Дели каттамы боюнча атайын уюштурулган чартердик учак менен Кыргызстандын 22 жараны Бишкекке келди. Алар Индияда дарылануу жана башка иштер менен жүрүп, аба каттамдардын токтоп калганына байланыштуу убагында Кыргызстанга  келе албай калышкан.
 
Келгендердин баары обсервацияга жайгаштырылып, медициналык текшерүүдөн өтүшүүдө.
 
Республикалык штаб чет мамлекеттерде келе албай жаткан жарандарыбызды Кыргызстанга алып келүү иштерин мындан ары да уланта турганын билдирди.