Кара-Кочкор айылында маркумду акыркы сапарга узатууга катышкан 60 адам карантинге алынды
- 21.05.2020, 13:43,
- Коом
- 0
Facebook
Вконтакте
Одноклассники
Google+
Кара-Кулжа районуна караштуу Кара-Кочкор айылынын тургундары маркумду акыркы сапарга узатуу зыйнатына катышкандан кийин үй карантинине алынды. Маркум Орусияда жүрөк оорусунан каза болгон. Бирок аны коштоп келген 2 адамдын биринин коронавируска тапшырган анализи шектүү чыкканын Ош облустук ички иштер башкармалыгынын басма сөз катчысы Жеңиш Аширбаев билдирди.
Анын маалыматына караганда, сөөк Орусиядан 18-майда күнү келип, 19-майда жерге берилген. «Жерге берилген адам жүрөк оорудан каза болгон. Коштоп келгендер кайсы жерлерде болгону иликтенип жатат. Экинчи ПЦР анализи чыкса так билинет», – дейт Аширбаев.
Милиция тажияга көзөмөл жакшы болбой калганын моюнга алды. Буга чейин тажияларга көп адамдын катышуусуна тыюу салынган.
Учурда сөөктү коштоп келген эки жаран обсервацияда. Алардан кайталанып алынган ПЧР-тесттин анализинен кийин гана COVID-19 бар же жок экени анык болот.
