АКШда коронавируска каршы вакцина адамдарга ийгиликтүү колдонулду

АКШдагы биотехнологиялык Moderna компаниясы коронавируска каршы вакцинаны иштеп чыгып, адамдарга колдонуп көрдү.  Сыноонун биринчи фазасы ийгиликтүү аяктаганын РИА Новости жазып чыкты.

Препаратты ыктыярчыларга тестирлөө апрель айында башталган.

Маалыматка караганда, mRNA-1273 вакцинасын алган адамдардын канындагы антителолор COVID-19 жугузуп алып сакайган кишилердики менен теңелип же андан дагы көп болуп калган.

"Алгачкы этабында препарат өзүнүн коопсуз экенин көрсөттү. Аны акыркы этапта сыноо июль айында башталат", — деп айтылат маалыматта.