Франциялык дарыгерлер вирустун вакцинасын африкалыктарга колдонуп көрүүнү сунуштады

Француз дарыгерлери COVID-19 вирусун токтотуу тууралуу түз эфирде талкуу жүрүп жатканда аталган вирустун вакцинасы жок болгондугуна байланыштуу туберкулездун оор формасынын вакцинасын африкалыктарга колдонуп көрүш керектигин сунушташты. Аталган илдеттин вакцинасы адамды COVID-19  вирусунан 100% коргой алат экени илимий далилдене элек. Ошого байланыштуу вакцинанын күчүн текшериш үчүн адамдарга колдонуп көрүү керек.

Дарыгердин айтымында  Африкада азырынча вирустан коргой ала тургандай медицина жана коргонуучу жабдыктары жок. "Ал жакта массалык дарылоого шарт жок. Вакцинаны текшерип көрүү керек, эгер COVID-19 вирусу вакцинадан кийин элге жукпаса, дүйнө элине колдонобуз", - дейт дарыгер. 

Бирок дарыгерлердин мындай сунушун франциялыктар жактырган жок. Социалдык тармактын колдонуучулары учурда катуу талкууга алып, "Африка сенин оюн аянтчаң эмес, Африкадан колуңду тарт" деген пикирлерин калтырып жатышат.