Митингге чыккан Ача-Кайыңдылыктар: "Коронавирус эмнегедир биздин айылдан эле чыгып жатат"

Бүгүн, 9-майда, Ат-Башы районундагы Ача-Кайыңды айылынын тургундары коронавируска байланыштуу нааразычылык акциясын уюштурушту.  Жергиликтүү тургундардын айтымында, айылга коюлган блокпосттор чарба иштерин бүтүрүүгө тоскоолдук жаратууда.
⠀
"Айылдагылардын нааразы болгону — коронавирус эмнегедир биздин айылдан эле чыгып жатат. Коронавирус табылган адам менен байланышта болгон-болбогондун баарынан анализ алып, ооруканага жаткырышууда. Блокпосттор да алынбай айыл чарба иштерине тоскоолдук жаратууда", — деди атын атоодон баш тарткан айыл тургуну.

Элдин нааразы болгонун, жыйналыш өткөнүн Ат-Башы районунун акими Нурбек Сатаров тастыктап, нааразы болгон тургундар менен жолукканын билдирди.