Токтогул суу сактагычында суунун көлөмү 7,869 млрд метр кубду түздү

Апта ичинде Токтогул суу сактагычындагы суунун көлөмү 51,71 миллион кубометрге азайды. Бул тууралуу “Электр станциялары” ААКнын маалыматы тастыктайт.
 
Маалым болгондой, 2022-жылдын 26-мартына карата суунун көлөмү 7 миллиард 869,8 миллион метр кубга азайган. Бул былтыркыдан 900,2 миллион кубометрге аз. Жыл башынан бери бул көрсөткүч 2 миллиард 241,6 миллион метр кубга азайган.
 
Бүгүн Токтогул суу сактагычына суунун агып кириши секундуна 219 кубометр, агып чыгышы 352 кубометрди түздү.