Рыскелди МОМБЕКОВ: Эй эрендер, эртең элден кечирим сурайсыңар...

Жогорку Кеңештин депутаты Рыскелди Момбеков 15-апрелдеги парламенттин жыйынында дарыгерлерге карата бийликтин мамилесин сынга алды. 

Бул боюнча: «200 миң сом деген эмне деген акча? Согуш убагында куралсыз душманга салып берген батальондой кылып эле силер дарыгерлерди эч кандай куралсыз алдыга салып койдуңар. 200 миң сом кенемте пул эмес, келеке пул болуп жатат. Эми оору жугузуп алгандарын текшерип, комиссия түзөбүз деп жатасыңар. Дарыгерлердин нааразылыгы ушундан пайда болот, аларды кайра ыйлатып, кечирим сураттыңар. Токтоткула, мындайды!» - деди депутат.