Кыргыз-тажик чек арасында түндө дагы ок атышуу болду

 Кыргыз-тажик чек арасында түндө дагы ок атышуу болду. Бул тууралуу Улуттук коопсуздук боюнча мамлекеттик комитетинен билдиришти.
 
Бүгүн түнү саат 02.50 чамасында Кыргыз Республикасы менен Тажикстандын чек арачыларынын ортосунда дагы ок атышуу болгону такталган. Ал 20 мүнөттөй созулуп, саат 03.10до токтогон.
 
«Баткен-Исфана унаа жолунун Баткен районунун Эки-Таш аймагындагы тилкесинде Тажикстандын чек арачылары өтүп бара жаткан унааларды таш ыргытышкан. Алар кыргыз чек арачыларынын таш ыргытууну токтотуу талабына көңүл бурушкан эмес. Кыргызстандын аскер кызматкерлери асманга ок атууга аргасыз болушкан. Ошол маалда бул аймакта кызмат өтөп жаткан Тажикстандын дагы бир чек ара отряды кыргыз чек арачылары турган байкоочу мунарага ок чыгарган», — деп билдирди Чек ара кызматы.
 
Кыргыз тараптан жабыркагандар жана жабыркагандар жок экени айтылды.