Дагы бир талапкер президенттик шайлоого катышпай тургандыгын билдирди

Президенттик шайлоо башталгыча эле чама-чаркын билгендер талапкерлигин алып отуруп, шайлоого аз эле адам бара турган болуп калды көрүнөт. Буга ачык мисал катары кечээ, 30-ноябрда талапкерлигин алып салган Садыр Шер-Ниязды мисал кылсак болот.

Анын артынан улай дагы бир президенттикке талапкер шайлоого катышуудан баш тартты. Бул тууралуу бүгүн, 1-декабрда Борбордук шайлоо комиссиясынын басма сөз кызматынан билдиришти.

Маалыматка ылайык, Сазыкбай Турдумалиев БШКга шайлоого катышуудан баш тартуу боюнча арыз берген.

БШК мөөнөтүнөн мурда президенттик шайлоону 10-январга белгилеген.