Канат Келдибеков бүгүн Москвада беттешке чыгат

Бүгүн, 6-ноябрда "Тайсон" каймана аты менен таанымал белгилүү кыргыз мушкери Канат Келдибеков "АСА 113" турниринин алкагында Москва шаарында беттешке чыгат. Бул турнирде "Тайсон" күчтүү деген орусиялык мушкер Александр Матмуратов менен беттешет.

Кыргыз Тайсону өзүнүн карьерасында жалпы 20 беттеш өткөрсө, анын 15инде жеңүүчү аталып, тилекке каршы, 5 жолу жеңилүү ызасын тарткан. Ал эми 31 жаштагы Александр Матмуратов өзүнүн карьерасында жалпы 14 беттешке катышса, анын 9унда жеңүүчү аталып, 5 жолу жеңилүү ызасын тарткан.  Беттеш Бишкек убактысы боюнча саат 21:00до башталат.