Аида Салянова Садыр Жапаровдун абийирин ачты

Экс-депутат, мурдагы башкы прокурор Аида Салянова өзүнүн Фейсбуктагы расмий баракчасы аркылуу Садыр Жапаровдун Данияр Үсөнов менен биргеликте 1,5 миллиард сомду эсептен чыгарды деген эски билдирүүсү тууралуу түз эфир уюштурду.  
 
Эфирдин башында эле ал Садыр Жапаровдун 2012-жылдан бери интернетте жигердүү тарап келген видеолорунун бирин көрсөттү. Видеодо Садыр Жапаров 2009-жылы Аида Салянова Данияр Үсөнов менен биргеликте "Кумтөргө" 1,5 миллиард сом салыкты кечип салган деп айтып, кол коюлган жарлыкты  көрсөтүп жатканын көрүүгө болот. 
 
 "Бул карандай калп! Мен өз убагында мындай сумманы эсептен чыгарган эмесмин", - деди мурдагы башкы прокурор. 
 
Белгилей кетсек, 2009-жылы Данияр Үсөнов премьер-министр, Аида Салянова Юстиция министрлигинин статс-катчысы болуп иштеген.

Ошондой эле ошол кезде КР Өкмөтүнө караштуу Мамлекеттик салык кызматынын төрагасы болуп иштеп турган Акматбек Келдибеков тууралуу Жапаровдун үн катпаганын да сынга алды.

"Буга 2009-жылы салык кызматы тарабынан ким жол берген? Бул органды ошол кезде Ахматбек Келдибеков жетектеген. 2012-жылы, Жапаров тараптан бул маалыматтар көтөрүлө баштаганда, Келдибеков экөө дос болушкан - анда эмне үчүн ал досунан бул жөнүндө сураган жок? "Ал өз сөзүндө Мамлекеттик салык кызматынын мурдагы төрагасы Келдибековду бир дагы жолу эскерген жок, бирок бардык күнөөлөрүнө Мамлекеттик салык кызматынын статс-катчысын күнөөлөйт. Бул бир аз уят болуш керек", - деп баса белгиледи Аида Салянова.