Кара-Суудагы аламан улак

Ош облусунун Кара-Суу районундагы Савай айылында 25-январь күнү ишкер Каныбек Акаев үч уулун сүннөткө олтургузуп, аламан улак уюштурду. Анда Бишкектен бир бөлмөлүү батир, беш машине, тогуз төө жана акчалай сыйлыктар байгеге коюлду. Оюнга келгендердин саны миңден ашты. Жергиликтүү тургундардын айтымында, бул кийинки убакта уюштурулган эң чоң мелдештердин бири.