Бишкек Ташкентке утулду

Шавхат Мирзиеёв президенттикке келген акыркы үч жылда Өзбекстан Кыргызстанга экспортун беш эсе көбөйттү. Коңшулар 2016-жылы Бишкекке болгону 67 миллион долларлык товар жөнөтсө, былтыр бул сумма 350 миллион долларга чукулдады. Ал эми Кыргызстандын коңшу өлкөгө экспорту артка кетти...

Эксперттер Бишкек соода алакасында Ташкентке уттурганын айтып, бул багытта саясатты оңдош керек экенин эскертишүүдө. Мына 2018-жылдын январь- декабрь айларында Өзбекстан менен Кыргызстандын товар айлануусу 189,6%га көбөйүп, 481 миллион долларды түздү. Мунун ичинен Өзбекстандын Кыргызстанга болгон экспорту 348,2 млн. доллар, ал эми импорту 132,8 млн. доллар. Кыргызстан Өзбекстандын товар айлантуусуна эң көп салым кошкон 20 өлкөнүн катарына кирет, экспорт кылууда 6-орунда, импорт кылууда 20-орунда турат.