Депутаттар тарасын, тарабасын?..

Бул Акаевден калган таберик сая­сат. Бул шылтоого Жогорку Кеңештин азыркы чакырылышы отко май чачкан­дай эле таасир калтырып жатат. Себеби бирөө эле. Жогорку Кеңештин азыркы чакырылышынын компетентсиздиги. Жетимиш пайыз олигархтык, отуз па­йыз ар кошкон, бандит чалыш парла­ментти компетенттүү парламент деп айтуунун өзү ыңгайсыз. Ал тургай аны депутаттар да мойнуна алат. Бир-эки мисалын эле айтсак. Экс депутат Асыл­бек уулу Дамирбек контрабандист эле эмес, башка өлкөнүн жараны болуп чыкты. Дагы бири ошол эле контрабан­данын айынан атышкандардын жакы­ны, тиешеси бары болду. Аравандык эки депутат мушташты. Өмүр бою кө­чөдө мушташып жүрүп депутат болгону бар. Ун сатып жүргөнү, бензин сатып оокат кылганы, уурулукка шек­телгени... Анан ушул парла­менттегилер­д и к а н т и п депутат деп айтканга ооз барат? Коом­чулук иренжип, алар отурган имаратка чейин барып түкүрүп кетип жатканда­ры мына дал ушундан. 

Парламент табиятында полемика­нын, идеялар, көз караштардын плю­реализмин чагылдырган трибуна бол­со, азыркы ЖК аны «базарга» айлантып жиберди. Коомчулук мындай парла­ментти кескин сындап, "базар парла­мент" кетсин десе, айрым эл өкүлдөрү чычалап "биз базар эмес, парламент­пиз" дейт. Өмүр бою телевиденияда иштеп, журналисттик билими бар чы­канактай кызды КТРКнын Байкоочу кеңешине өткөрө албай, Каракол шаа­рынын базар башчысын ал кейиштүү кеңешке алып келген парламентти "ба­зар парламент" дебегенде кандай пар­ламент деш керек??? Өз добуштарына кайра каршы чыккан, элементардуу эсепти санай албаган ЖКга элдин сыны акыйкаттуу экенин бул учурда моюн­га алууга акылуубуз. Коомчулук мындай сындоого моралдык укугу бар. 

Айрым бөйрөктөн шыйрак чыгарган­дар "Эл өзү шайлады, элдин тандоосу болду" деп айтышы мүмкүн. Ошол «ба­зар парламентти» түзүүчүлөр учурунда мындай көөнү этеги менен жашырып, бардык кандидаттарды апакай кылып мактап, акчасын алып, кайра элге та­ратып отуруп ушул кургуйга дал ошол партия лидерлери алып келди. Демек коомчулук азыркы парламентке баа бериш үчүн азыркы беш фракциядан турган партияларды шайлабашы керек. Ансыз «базар парламент» жүрүшү улана берет.