Депутат Аида Исатбек кызы Алымкадыр Бейшеналиевди сынга алды

 Бүгүн Жогорку Кеңештин тармактык комитетинин жыйынында депутаттар мектеп окуучулары арасындагы укук бузуулардын алдын алуу, мектеп рэкетчилигин жоюу маселесин талкуулашууда.
 
Депутат Аида Исатбек кызы чоңдор өздөрү балдарга үлгү болуп жатканын эске салып, саламаттыкты сактоо министри Алымкадыр Бейшеналиевдин жүрүм-туруму үчүн сынга алды.
 
«Эгер биз балдарыбызга туура баалуулуктарды сиңирүүнү кааласак, өзүбүздөн башташыбыз керек. Муну ата-энелер, мугалимдер, керек болсо мамлекеттик кызматкерлер жасашы керек. Өткөн аптада Саламаттыкты сактоо министрлигинин жетекчисинин видеосу резонанс жаратты. Министр өзүнүн журум-туруму менен терс көрүнүштөрдү жайылтууда”, - дейт Аида Исатбек кызы.