Автоунаанын терезелерин кимдер аксыз караӊгылата алат? Ички иштер министрлигинин жообу

 Ички иштер министринин орун басары Нурбек Абдиев унаанын алдыңкы терезелерин бекер караңгылатууга кимге уруксат берилгенин айтып берди.
 
Ал 9-февралда Жогорку Кеңештин жыйынында билдиргендей, өлкөнүн инкассаторлоруна, УКМКнын 9-башкармалыгынын жана жогорку кызмат адамдарынын унааларына бекер караӊгылатууга уруксат берилгенин билдирди.
 
«Башка укук коргоо органдарына унаалардын айнектерин караңгылатууга жалпы негизде уруксат берилет. Эгерде кимдир-бирөө терезелерди мыйзамсыз караңгылатып алса, тиешелүү жазасын алат», - деп кошумчалады ИИМдин орун басары.