Кыргызстан чек арадагы кошумча күчтөрдү артка алып кетти

 29-январь саат 10:30га карата мамлекеттик чек аранын кыргыз-тажик тилкесинде абал туруктуу.
 
УКМКнын Чек ара кызматынын басма сөз кызматы билдиргендей, кыргыз тарап кошумча күчтөрдү чек арадан туруктуу жайгаштыруу пункттарына чыгарууну аяктады.
 
Тараптардын делегацияларынын 28-январда өткөн жолугушуусунун жыйынтыгында бүгүн Кыргызстан менен Тажикстандын биргелешкен комиссияларынын иши белгиленген.
 
Чек ара бөлүктөрү кадимкидей нөөмөттө иштеп жатат. Чек ара кызматы мамлекеттик чек аранын кыргыз-тажик тилкесиндеги кырдаалга көз салууда.