Масадыков: Азыр биз талиптерди таанууга даяр эмеспиз

 Бүгүн биз талиптерди таанууга даяр эмеспиз. Бул тууралуу Коопсуздук кеңешинин төрагасынын орун басары Таалатбек Масадыков Бишкекте өтүп жаткан Ооганстан боюнча эл аралык конференцияда билдирди.
 
«Бүгүн биз талибдерди таануу жөнүндө сөз кылып жаткан жокпуз. Бирок биз бул өлкөнүн бийликтери менен сүйлөшүүлөрдү жүргүзүү тууралуу сүйлөшүп  жатабыз», - деди ал.
 
Анын айтымында, сүйлөшүүлөр азыр абдан маанилүү. 
 
«Талибанды изоляцияда калтыруу мүмкүн эмес. Бул туура эмес», - деди ал.
 
Конференция Ооганстандагы абалга арналган.