БШК шайлоого катышуудан баш тарткан биринчи партияны жарыштан четтетти

 
"Ооган согушунун ардагерлери жана ушул сыяктуу кагышууларга катышкандардын" саясий партиясы Шайлоо жана референдум өткөрүү боюнча борбордук комиссиясына парламенттик шайлоого катышуудан баш тартканы тууралуу кабарлады.
 
"Ооган согушунун ардагерлери жана ушул сыяктуу кагышууларга катшкандардын" саясий партиясынын ыйгарым укуктуу өкүлдөрүн каттоо жокко чыгарылды, алардын каттоо күбөлүктөрү жараксыз деп табылды.
 
Эске салсак, парламенттик шайлоого катышуу үчүн жалпысынан 75 партия БШКга арыз берген. Шайлоо 28 -ноябрга өтөт.  Жогорку Кеңештин 54 депутаты партиялык тизме менен, 36 депутат бир округдан шайланат.