Владимир Путин Борбор Азияда америкалык базанын жайгашуусуна каршы
- 24.08.2021, 14:30,
- Саясат / Жаңылыктар
- 0
Facebook
Вконтакте
Одноклассники
Google+
Орусиянын президенти Владимир Путин Женевада АКШнын лидери Жо Байден менен жолукканда Ооганстандын коңшу өлкөлөрүнө америкалык аскерлерди жайгаштырууга каршы пикирин билдирди. Бул тууралуу The Wall Street Journal басылмасы америкалык жана орусиялык жогорку кызмат адамдарына таянуу менен жазып чыкты.
Макаланын автору Майкл Гордон Кремль ушундай жол менен Борбор Азия мамлекеттериндеги позициясын сактап калууга умтулат деп эсептейт.
Гезит жазгандай, эми америкалыктар Катардагы базаларды жана Перс булуңунда жайгашкан кемелерди колдонушу керек болот, бул операциялардын баасын кыйла жогорулатат.
Булактар Владимир Путин Жо Байдендин көңүлүн Борбор Азияда аскерлердин болушуна жол берилбестигине бурду деп ырасташат.
Буга чейин Өзбекстанда жана Кыргызстанда АКШ базаларды бар болгон, бирок алар 2005 -жылы жана 2014 -жылдары чыгарылган.
Ооганстандагы кырдаал 2021 -жылдын жазында америкалык аскерлер Оогонстандан чыгарылары жарыялангандан кийин курчуп кеткен. "Талибан" кыймылы ооган армиясынын позициясына каршы чабуулун баштап, 15 -августта өлкөнүн бардык аймагына көзөмөл орнотту. Президент Ашраф Гани кызматтан кетти.
