Жапаровдун кортежиндеги кырсыктаган унаада жабыркагандардын бири оор абалда, бири каза болгон

Ысык-Көлдө мамлекет башчы Садыр Жапаровдун кортежиндеги кырсыктаган унаада жабыркагандардын бири оор абалда. Бул тууралуу Саламаттык сактоо жана социалдык өнүктүрүү министри Алымкадыр Бейшеналиев билдирди.

Министр кырсыктан жалпысынан алты адам жабыркаганын айтып, үчөө УКМКнын 9-кызматынын өкүлдөрү экенин айтты. Анын бири каза тапкан.

"Атайын кызматтын жол кырсыгынан жабыркаган эки өкүлүн Бишкекке алып жөнөдүк. Эки бейтаптын биринин абалы оор. Аларды шаарга өзүм коштоп, аппаратын кармап бара жатам. Бишкекке барганда да толугураак маалымат беребиз", — деди министр.