Иса Өмүркулов: Пандемияда каза болгон дарыгерлерге эстелик тургузуу керек

 
Коронавируска каршы күрөштө курман болгон дарыгерлерге эстелик тургузуу керек. Бул тууралуу депутат Иса Өмүркулов 15-апрелде Жогорку Кеңештин жыйынында билдирди.
 
Ал өлкөдө эпидемиологиялык кырдаал күн сайын курчуп бара жатканын, коронавируска каршы күрөштө дарыгерлер гана туруштук бере турганын белгиледи. 
 
«Бүгүн эртең менен COVID-19 оорусунун 305 учуру аныкталды. Саламаттыкты сактоо министрлиги ошондой эле коронавирустун үчүнчү толкуну май айынын аягында - июнь айынын башында болот деп билдирди. Буга биздин дарыгерлер гана туруштук бере алат. Жалпысынан 90 миңден ашык учур катталып, 1,5 миңден ашуун жаран каза болгон. 100дөн ашык дарыгер каза болду, анын 28и дарыгерлер», - деди ал.
 
Өмүркулов каза болгон дарыгерлерге дарыгерлер жана донорлор тарабынан эстелик тургузуу демилгесин көтөрдү.