Коронавирустун үчүнчү толкуну май-июнь айларында болушу мүмкүн

 Кыргызстанда коронавирустун үчүнчү толкуну май-июнь айларында башталышы мүмкүн экенин Саламаттык сактоо жана социалдык өнүгүү министри Алымкадыр Бейшеналиев божомолдоодо. 
 
Анын божомолдоосуна караганда май-июнь айларында вирус күчөшү мүмкүн. Анткени вируска каршы адамда пайда болгон антитела бир жылга жетет. Өткөн жылы май-июнь айларында вирус күч алып, элдин көпчүлүгү ооруп айыккан. 
 
Министрлик үчүнчү толкундун алдын алууга аракет көрүүдө. Бул үчүн алар элди  коронавируска каршы эмдөөдөн өткөрүүдө.