Кримавторитет Ботош кармалды

 Ботош каймана аты менен таанымал болгон кримтөбөл Ботош кармалды. Бул тууралуу УКМКнын басма сөз кызматы билдирди.
 
Маалыматка ылайык, ал 2021-жылдын 22-январында Ысык-Көл облусунда Улуттук коопсуздук боюнча мамлекеттик комитетинин кызматкерлери менен  ИИМдин кызматкерлери тарабынан кармалган.  
 
Коопсуздук кызматкерлеринин айтымында, Ботош К.Асанбектин [Камчы Көлбаев] кылмыштуу тобунун мүчөсү жана Ысык-Көл облусунда бир нече кылмышка шектелген.
 
Тактап айтканда, 2020-жылдын сентябрь айында Ысык-Көл облустук сотунун чечими менен О.А. камакка алуу түрүндөгү бөгөт коюу чарасы үй камагына өзгөртүлүп, ал аны бузган.
 
Учурда УКМК тарабынан уюшкан кылмыштуу топтун ишин нейтралдаштыруу боюнча тиешелүү иш-чаралар улантылууда.