Тандем тузгөн 4 талапкер Жапаровдун мыйзамсыз акталганы тууралуу Соттор Кеңешине кайрылмай болушту

Бүгүн 29-декабрда тандем түзүшкөнүн жарыялашкан Президенттиккке талапкерлер Адахан Мадумаров, Канатбек Исаев, Клара Сооронкулова жана Каныбек Иманалиев дагы бир талапкер Садыр Жапаровдун акталышында мыйзам бузуу болгон деген пикирин билдиришти. 

Талапкерлердин бири, юрист Клара Сооронкулова Садыр Жапаров менен катар УКМК төрагасы Камчыбек Ташиев, президенттин милдетин аткарып жаткан спикер Талант Мамытовду актаган Жогорку соттун чечими 6-октябрга караган түнү процессуалдык эрежелерди бузуу жана басым-кысым астында мыйзамсыз чыкканын билдирди.

Төрт талапкер буга байланыштуу Соттор кеңешине актоо өкүмүн чыгарган судьяларга карата чара көрүү талабы менен кайрыла турганын айтышты.