Адвокат Нурбек Токтакунов Жапаров, Ташиев жана Мамытовду актаган сотторго каршы Тартип комиссиясына кайрылды

«Прецедент» юридикалык борборунун башчысы, адвокат Нурбек Токтакунов Садыр Жапаров, Камчыбек Ташиев жана Талант Мамытовду актаган Жогорку соттун судьяларына каршы Соттор кеңешинин алдындагы Тартип комиссиясына кайрылды. 

Токтакуновдун айтымында Жогорку соттун үч судьясы айыптоо актысы бар экенине карабай мыйзам бузуу менен үч саясатчыны актаган.
Ал өз кайрылуусунда Тартип комиссиясынан мыйзам бузууга жол берген судьяларды улуттук коопсуздукка коркунуч келтирген жана башаламандык жаратууга түрткү берген чечимдери үчүн иштен алып, жоопко тартууну талап кылган.

Ушундай эле мазмундагы кайрылуу Жогорку сотко да жолдонгон.