Жумалиевден 160 миң доллар талап кылып кармалган жаран үй камагына чыкты

 
ЖКнын депутаты Кубанычбек Жумалиевден козголгон кылмыш ишин жабуу үчүн 160 миң доллар пара талап кылган деген шек менен кармалган жаран үй камагына чыкты. Бул тууралуу жактоочу Бактыбек Жумашев социалдык тармактагы баракчасына жазды. 
 
Маалыматка ылайык, пара талап кылган жаран Бишкек шаарынын Биринчи май райондук соту тарабынан үй камагына чыгарылган. 
 
«Пара талап кылып, акча алып жатканда кармалган жаран сот тарабынан үй камагына чыгарылды. Акча талап кылган адамдын «крышасы» жок экенине дагы деле кимдир бирөө күмөн санайбы? Мындай берене боюнча катардагы кылмышкер эч качан бошотулмак эмес. Анын жанында паспорту да жок болчу»,-деди ал.