Жумалиевдин Жапыкеев боюнча доосу сотто карала баштады

Бишкектин Ленин райондук сотунда 26-майда Жогорку Кеңештин депутаты Кубанычбек Жумалиевдин арызы боюнча «ар-намыска шек келтирүү» деген негизде алгачкы сот отуруму болуп, жактоочулар доо арыз менен таанышып чыгыш үчүн сот отуруму 4-июнда уланмай болду. Депутат соттон Жапыкеевден 10 миллион сом өндүрүүнү өтүнгөн. 

Мындан тышкары, Ички иштер министрлиги Жапыкеевдин билдирүүлөрү боюнча «Жарандарга зомбулук көрсөтүүгө чакырык» деген берене менен, ал эми Финансы полициясы Жумалиевге карата «Мыйзамсыз баюу» статьясынын негизинде териштирүү жүргүзүп жатат.