“16 жылдан бери мени билесиң”. Анжелика ар бир айдын 12си гүл белек кылган сүйүктүүсү жөнүндө айтты

Ырчы Анжеликанын жеке мамилеси кайрадан эл талкуусунда. Ал сүйүктүүсү ар бир айдын 12си кучак толо гүл көтөрүп келерин, аны менен 16 жылдан бери тааныш экенин жана ал көп кыздар көзүн арткан бойдок жигит экенин жар салды. 

“Гүлдестем менен силерди тажатсам кечиргиле! Ар бир айдын 12си мага ушундай гүлдесте келип турат. Ар бир букетти сүрөткө тартып, экөөбүздүн окуя үчүн сактап турам. 11.12.2020. Сен менден, мен сенден ушунчалык коркобуз. Ушунчалык ысык болгонубуздан бири-бирибизди күйгүзүп алуудан коркобуз. 42 айда мага миллиондон ашык гүл белек кылдың.  16 жылдан бери мени билесиң. Экөөбүз өз өзүбүзчө өзүмчүлдөрдөй турмуш кечиребиз. Сен көз арттырган бойдоксуң, мен эркиндиктеги кушмун, биз керек болсо көрүшпөйбүз деле, мына сага романтика” дейт Кайратовна. 

Ал эми катталуучуларынын бири казак жигити тууралуу суроо салганда: “Мамилебиз дос бойдон калган. Тааныштырайынбы?” деп жооп берди.