Бек Борбиев: «Мени жакын арада парламенттен көрө албайсыздар…»

Ырчы Бек Борбиев «Мекеним Кыргызстан» деген чыгармасына карата эл арасында айтылып жаткан сын-пикирлерге жооп берди. Ал бул тууралуу Фейсбук баракчасына жарыялады.  
 
«Достор, мени жакын арада парламенттен көрө албайсыздар. Башка саясий көз караштагылар мага өз оюӊарды таӊуулагандан алыс болгула. Мен азыркы жарыштагы үч партияга гимн-ыр жазгам жана жаза берем. Эгерде менден жакшы жазсаӊар анда жаза бергиле, конкурстук негизде тандап алышат. Шайлоодо эч ким эч кимди күчкө салып добушун ала албайт, баары демократия жолунда, андыктан каалаган партияга добушуӊузду бериӊиз А менин тандоом, бул менин тандоом, ага эч кимдин жологонго акысы жок. Ийгилик»-деп жазды Борбиев.