Дональд Трамп «Коронавирус кет-кет-кет» ырынын авторун Америкага чакырды

Казак ырчысы, композитор Марат Омаров АКШда өтө турган кайрымдуулук концертине чакырылды. Бул тууралуу Otyrar.kz. жазып чыкты. 
 
Анын билдирүүсүнө караганда, чакыруу АКШнын президенти Дональд Трамптан келген. Ал чакырууну бир канча ай мурда эле алган. Чакырууда пандемия бүткөндөн кийин Нью-Йорк шаарында кайрымдуулук концерти өтө турганы ага Марат Омаров бир катар хит ырлары менен, эӊ башкысы «Коронавирус кет-кет-кет» ыры менен чакырылганы айтылат.  
 
«Ооба, мени Нью-Йоркто өтө турган кайрымдуулук концертине чакырышты. Бирок баары пандемия бүткөндөн кийин болот. Азыр концерт эмес, эӊ башкысы элдин ден соолугу болсун, ырдаганга да жетишебиз»-деди Омаров.