Кыргызстанга Кытайдан дарыгерлер чакырылды

Коронавирустун очогу болгон Кытайдан Кыргызстанга дарыгерлер чакырыла турган болду. Алар илдет менен күрөшүүнү билген, жеке тажрыйбасы бар 15 дарыгер.  Бул туурасында вице-премьер Аида Исмаилова ЖК комитеттеринин жыйынында билдирди.

“Кечээ Кытайдын элчиси менен сүйлөштүк, ал жактан уруксат берилиптир, жакын арада келишет. Учурда Тышкы иштер министрлигинин деңгээлинде сүйлөшүүлөр жүрүп жатат. Так датасы бүгүн-эртең билинет”, — деди Исмаилова.

Эскерте кетели, мындан 20 күн мурун Кыргызстан коронавирус менен күрөшүү үчүн кытайлык дарыгерлерден жардам сураган.