Май айында мугалимдердин айлык акылары кечиктирилип берилиши мүмкүн

Бул тууралуу Бишкек шаарынын вице-мэри Алмаз Бакетаев бүгүн, 7-майда брифингде билдирди. 
 
«Коронавирус пандемиясына байланыштуу бюджетке түшө турган каражат 900 млн. сом го азайганына байланыштуу, бул айда айлык акы жана башка төлөмдөр бир жумага кечиктирилип берилиши мүмкүн. Биз бул туурасында сүйлөшүүлөрдү жүргүздүк. Өкмөттөн жардам күтүүдөбүз. Айлык акыларды, анын ичинде мугалимдердин айлык акысын төлөп берүү боюнча маселе жакынкы күндөрү чечилет»-деди Алмаз Бакетаев.